English below \\ Tha Bòrd na Gàidhlig air £60,000 a thoirt do Phlana Ghàidhlig Iar-Thuath Leòdhais agus Plana Gàidhlig agus Coimhearsnachd Uibhist, gus taic a chumail ri lìbhrigeadh nam planaichean seo agus gus maoinean choimhearsnachd ùra fhosgladh a chùmas taic ri iomairtean is pròiseactan sna sgìrean.
Thèid duaisean a thoirt seachad tro na maoinean seo gus buannachdan cultarach, sòisealta, foghlaim agus eaconamach na Gàidhlig a leudachadh agus a mheudachadh. Cuiridh na h-iomairtean is pròiseactan a gheibh taic ris an amas barrachd cleachdaidh làitheil den chànan a bhrosnachadh, a’ cumail taic ri tar-chur eadar ginealaichean, agus àbhaisteachadh na Gàidhlig ann am beatha làitheil nan coimhearsnachdan. Tha cuireadh ga thoirt do dhaoine agus do bhuidhnean a tha stèidhichte sna sgìrean sin iarrtasan a chur a-steach airson iomairtean agus pròiseactan a dhìonas, a neartaicheas agus a bhrosnaicheas fàs na Gàidhlig, a rèir slatan-tomhais nam maoinean.
Thuirt Ealasaid Dhòmhnallach, Ceannard Bhòrd na Gàidhlig: “Tha Bòrd na Gàidhlig airson cumhachd a thoirt do choimhearsnachdan le planaichean Gàidhlig gus na prìomhachasan sna sgìrean aca fhèin a thoirt air adhart. Mar a tha fios againn, bidh sin diofraichte anns gach coimhearsnachd agus tha am maoineachadh seo ann airson cuideachadh a thoirt dhaibh leis an obair chudromach seo.”
Thuirt Alison Campbell Clark, Oifigear Plana Gàidhlig Iar Thuath Leòdhais: “Tha sinn air leth toilichte gu bheil am maoineachadh seo bho Bhòrd na Gàidhlig a’ toirt taic do Phlana Gàidhlig Iar-Thuath Leòdhais. Tro mhaoin na coimhearsnachd, bidh cothrom do dhaoine agus do bhuidhnean ionadail pàirt dhìreach a ghabhail ann a bhith a’ co-dhùnadh mar a thèid an t-airgead a chleachdadh agus mar a ghabhas a’ Ghàidhlig a neartachadh san sgìre againn.”
Thuirt Ceiteag NicDhòmhnaill, Oifigear Plana Gàidhlig agus Coimhearsnachd Uibhist:
“Tha sgioba Plana Gàidhlig agus Coimhearsnachd Uibhist a’ cur fàilte bhlàth air an naidheachd seo agus a’ coimhead air adhart ri bhith ag obair còmhla ri buidhnean agus daoine air feadh Uibhist gus beachdan ùra agus pròiseactan làidir a thoirt gu buil a chuireas ri cleachdadh nàdarra na Gàidhlig bho Bheàrnaraigh gu Èirsgeigh.”
Bòrd na Gàidhlig have granted £60,000 to the teams delivering the North-west Lewis Gaelic Plan and the Uist Gaelic and Community Plan to support the delivery of the plans and to establish new community funds.
Community projects will be supported through the funds to build on the cultural, social, educational, and economic impacts of Gaelic in these areas. The projects that receive funding will have a shared aims of promoting and encouraging people to speak and use Gaelic in their daily lives, building on inter-generational relationships, and normalising Gaelic as a community language. People and groups based in Uist and North-west Lewis are strongly encouraged to apply for funding to deliver projects that will protect, encourage, and strengthen the growth of the Gaelic language, in line with the fund guidelines.
Ealasaid MacDonald, Ceannard (CEO), Bòrd na Gàidhlig, said: “Bòrd na Gàidhlig want to empower communities with Gaelic language plans to identify their own priorities for language support and development. As we know, that will look different in every community and this funding has been agreed to support them with this important work.”
Alison Campbell Clark, North-west Lewis Gaelic Plan Officer, said: “We are very happy that Bòrd na Gàidhlig are providing this support to the North-west Lewis Gaelic Plan. Through our community fund, local people and organisations will have the opportunity to be directly involved in deciding how the money will be spent to strengthen Gaelic in our community.”
Ceiteag MacDonald, Uist Gaelic and Community Plan Officer, said: “The Uist Gaelic and Community Plan team welcome this news and look forward to working with people and organisations across Uist to deliver on new ideas and strong projects to strengthen natural, daily Gaelic use from Berneray to Eriskay.”
